Դեմքի ուրվագծային պլաստիկայի ընթացակարգը կատարվում է ֆիլլերների միջոցով։ Տեխնիկան ապահովում է երիտասարդացնող ազդեցություն և բացարձակապես անվտանգ է: Իսկ երբ ընթացակարգը իրականացվում է որակավորված մասնագետի կողմից, անբարենպաստ ռեակցիաների հավանականությունը հասնում է մինիմալի:
Ներարկումային ուրվագծային պլաստիկան իրենից ներկայացնում է ներարկումների շարք, որի պարագայում երկարատև նախապատրաստական և վերականգնման շրջանները մաքսիմալ կրճատված են: Հակացուցումների բացակայության դեպքում ուրվագծային պլաստիկայի ընթացակարգը հնարավոր է կատարել անմիջապես դիմելու օրը:
Վերականգնողական փուլը շատ կարճ է տևում, և պացիենտը կարող է անմիջապես վերադառնալ կյանքի բնականոն ռիթմին:
Ներարկումների ազդեցությունը անցողիկ է, ֆիլլերների բաղադրիչները դուրս են գալիս օրգանիզմից որոշակի ժամանակահատվածի ընթացքում:
Ուրվագծային պլաստիկայի կատարման հատվածներ
- աչքեր
- քիթ
- այտեր
- այտոսկրեր
- շուրթեր
- կզակ
Ինչպե՞ս է աշխատում ուրվագծային պլաստիկան:
Բժիշկը ներարկում է պրպարատը փափուկ հյուսվածքների երկայնքով: Ներարկման համար օգտագործվում են բարակ ասեղներով ներարկիչներ, որոնք չեն առաջացնում մաշկային պատռվածք և բացառում են վնասվածքների առաջացումը:
Ֆիլլերների ներարկումը բացառապես անցավ է: Շատ ֆիլլերներ պարունակում են տեղային անզգայացնող միջոց՝ լիդոկաին:
Ուրվագծային պլաստիկայի հակացուցումները
- Արյան մակարդման խանգարում.
- Սնկային կամ բակտերիալ մաշկի ծանր պաթոլոգիաներ.
- Շաքարային դիաբետ
- Սիլիկոնե իմպլանտներ մաշկի տակ.
- Ներքին օրգանների համակարգային վնասվածքներ.
- Թուլացած իմունիտետ.
- Գերզգայունություն լցոնման բաղադրիչների նկատմամբ․
- Հղիության և լակտացիայի շրջան.
Ինչպե՞ս է իրականացվում ընթացակարգը:
- Դեմքի մաշկի մաքրում.
- Աշխատանքային մակերեսի ախտահանում
- Անզգայացնող միջոցի կիրառում (անհրաժեշտության դեպքում):
- Դեղամիջոցի ընտրված չափաբաժնի ներարկում մաշկի տակ, նախապես որոշված կետերում, բարակ ասեղով:
Դեմքի ուրվագծագին պլաստիկայի ֆիլլերներ
Մեր կենտրոնում մենք կիրառում ենք մի քանի պրեպարատ
- Restylane
- Juviderm
- HyaFilia
- Artfiller
- RRS HA Long Lasting
Պետք է առանձնացնել Sculptra պրեպարատը
Այն պոլի-Լ-կաթնաթթու պարունակող կենսախթանիչ է, որն ակտիվացնում է բնական գործընթացները հյուսվածքներում՝ խթանելով կոլագենի արտադրությունը։ Արդյունքում ներարկման հատվածում վերականգնվում են ծերացող մաշկի առաձգականությունը և կորցրած ծավալները։
Ի տարբերություն հիալուրոնաթթվի, Sculptra-ի պոլի-L-կաթնաթթվի (PLLA) մոլեկուլները ոչ միայն լրացնում են կնճիռները, այլ աշխատում են մաշկի խորը շերտերում՝ նպաստելով կորցրած կոլագենի աստիճանական համալրմանը:
Ընթացակարգի կուրսի շնորհիվ (սովորաբար մոտ երեք միջամտություն մի քանի ամսվա ընթացքում) վերականգնվում է մաշկի ծավալն ու կառուցվածքը։ Պրոցեդուրայի արդյունքները նկատելի են դառնում և ավելանում 6 ամսվա ընթացքում, իսկ հետո պահպանվում են մինչև երկու և ավելի տարի։
Sculptra-ի հիմքում պարունակվող պոլի-Լ-կաթնաթթուն ունի ոչ կենդանական ծագում (արհեստականորեն ստացվել է լաբորատորիայում), չի առաջացնում ալերգիա և ունի կենսահամատեղելիության բարձր մակարդակ։